Janë luajtur këtë të martë në Qendrën e Ekipeve Kombëtare në Kamëz dhe në Aneksin e stadiumit “Loni Papuçiu” në Fier, ndeshjet e grup-moshës U-14, në kuadër të turneut të përfaqësueseve rajonale që organizohet nga FSHF.
Në grupin A ndodhen ekipet e përfaqësueseve rajonale të Fierit, Durrësit, Gjirokastrës dhe Elbasanit, ndërsa në grupin B ndodhen ekipet e përfaqësueseve rajonale të Tiranës, Korçës, Lezhës dhe Shkodrës.
Secili ekip zhvilloi nga tre ndeshje në fazën e grupeve dhe në fund u përcaktuan dy ekipet finaliste të çdo grupi për grupmoshën U-14. Në grupin A, skuadra e përfaqësueses rajonale të Durrësit grumbulloi 9 pikë duke siguruar finalen, pasi mundi ekipet e përfaqësueseve rajonale të Fierit, Gjirokastrës dhe Elbasanit.
Në grupin B, skuadra e përfaqësueses rajonale të Tiranës siguroi finalen falë golavarazhit më të mirë se ekipi i përfaqësueses rajonale të Shkodrës, pasi të dyja skuadrat e mbyllën me pikë të barabarta nga shtatë.
Në finalen e turneut të përfaqësueseve rajonale për grupmoshën U-14 do të përballen Tirana dhe Durrësi. Ndeshja finale do të luhet të enjten në ambientet e “Shtëpisë së Futbollit”.
U-14 Grupi A
Fier – Durrës 0-1
Aneksi i stadiumit “Loni Papuçiu”
Elbasan – Gjirokastër 3-2
Aneksi i stadiumit “Loni Papuçiu”
Fier – Elbasan 0-0
Aneksi i stadiumit “Loni Papuçiu”
Durrës – Gjirokastër 3-0
Aneksi i stadiumit “Loni Papuçiu”
Fier – Gjirokastër 5-1
Aneksi i stadiumit “Loni Papuçiu”
Durrës – Elbasan 1-0
Aneksi i stadiumit “Loni Papuçiu”
U-14 Grupi B
Tirana – Korça 2-0
Kompleksi sportiv “Qendra e Ekipeve Kombëtare”, Kamëz
Lezha – Shkodra 1-5
Kompleksi sportiv “Qendra e Ekipeve Kombëtare”, Kamëz
Lezha – Korça 3-3
Kompleksi sportiv “Qendra e Ekipeve Kombëtare”, Kamëz
Tirana – Shkodra 4-4
Kompleksi sportiv “Qendra e Ekipeve Kombëtare”, Kamëz
Tirana – Lezha 12-0
Kompleksi sportiv “Qendra e Ekipeve Kombëtare”, Kamëz
Korça – Shkodra 1-6
Kompleksi sportiv “Qendra e Ekipeve Kombëtare”, Kamëz