Abdyl Kuriu

Datëlindja: 01.09.1964
Anëtar i Komitetit Ekzekutiv: 2010 –
Abdyl Kuriu është lindur dhe rritur në qytetin e Kavajës. Ai ka përfunduar studimet e larta në Universitetin e Sporteve të Tiranës.
Kuriu ka qenë futbollist i ILKF (Instituti i Lartë i Kulturës Fizike), “Shkëndia” përgjatë viteve 1979-1986 dhe më pas ka luajtur për klubin e Besës deri në vitin 1998. Abdyl Kuriu ka qenë edhe lojtar i ekipeve kombëtare U-17, U-19 dhe U-21.
Gjatë viteve 1998-2002, ai ka mbajtur pozicionin e Sekretarit në klubin e KF Besa dhe më pas rolin e trajnerit, në vitet 2002-2008.
Përveç pasionit për sportin në terren, ai ka ushtruar rolin e mësuesit të edukimit fizik në disa shkolla që nga viti 1986 dhe që prej vitit 2007, Kuriu është pjesë e stafit akademik të Universitetit të Sporteve të Tiranës, në Departamentin e Lojërave Sportive ku është lektor në lëndën e Futbollit. Në vitin 2010 ai pajiset me diplomën Master në fushën e “Didaktikë e Edukimit Fizik” dhe në vitin 2013 merr titullin Docent. Që prej vitit 2015, Abdyl Kuriu është Doktor i Shkencave Sportive dhe këtë vit është graduar Prof.Asc.Dr.
Kuriu është njohës i shkëlqyer i gjuhës angleze dhe italiane.
Prej vitit 2010 ai është anëtar i Komitetit Ekzekutiv në Federatën Shqiptare të Futbollit (FSHF).