Shqipëria U-19 e drejtuar nga Erjon Bogdani ka arritur suksesin e rradhës në turneun “Roma Caput Mundi”. Kombëtarja shqiptare e futbollit mosha U-19 ka mundur në ndeshjen e dytë përfaqësuesen e Greqisë me rezultatin e pastër 2-0. Ka mjaftuar nga një gol për secilën pjesë, në të parën ka qenë Samuel Nezha ku ka ekzekutuar saktë nga pika e penalltisë dhe në pjesën e dytë ka vulosur fitoren Patrik Pasha me golin e shënuar, kombëtarja po bën mirë duke kërkuar suksesin e rradhës në ndeshjen që do të zhvillohet ditën e enjte, C.R Lazio – Shqipëri. I pranishëm gjatë ndeshjes, ka qenë edhe trajneri i përfaqësueses A, Christian Panucci, i cili ka vëzhguar futbollistët e rinj.
Kujtojmë që në vitin 2017 skuadra U-19 u shpall fituese e turneut, pasi mundi në finale Rumaninë U-19.
Kundër Greqisë përfaqësuesja jonë e filloi ndeshjen me këtë formacion: Ismajlgeci, Isufi, Syla, Nezha, Gkertos, Pasha, Lekaj, Pellumbi, Koci, Halili dhe Tafa.
Keto janë rezultatet e deritanishme të Shqipërisë U-19 në këtë turne:
19 shkurt 2018 – Shqipëri 5-1 Maltë
20 shkurt 2018 – Shqipëri 2-0 Greqi
Ndeshja finale e turneut është parashikuar për tu zhvilluar në datën 23 shkurt në orën 10:30.
