Zyra e shtypit në FSHF ju njeh më poshtë me të gjithë kalendarin e plotë të aktiviteteve dhe eventeve për javën në vijim, si për ndeshjet zyrtare e miqësore të planifikuara, por edhe me të gjithë gamën tjetër të veprimtarive të Federatës së Futbollit, pjesë e planit të punës së Departamenteve përkatëse.
E HËNË, 19 SHKURT
– Ndeshja e parë zyrtare e ekipit kombëtar U-19 në turneun në Fiuggi të Italisë, në turneun “Roma Caput Mundi” – SHQIPËRI-MALTË (Ora 15.00)
– Nis në Qendrën e Ekipit kombëtare në Kamzë, në Shkollën e Trajnerëve, kursi i Radhës UEFA B, nga Sektori i Edukimit pranë FSHF.
– Nisin në Tiranë (Në Kamëz), Durrës, Fier, Elbasan dhe Korçë grumbullimet javore të ekipeve përfaqësuese rajonale për moshat, për stërvitjet e radhës. (ora 13.00 deri 17.00)
– Vazhdimi i zbatimit të Projektit “GROW 2020” në shkollat 9-vjeçare në Tiranë, dhe më konkretisht në shkollën “Fan Noli” dhe “Kosova”. Po kështu, edhe në Durrës, Elbasan,Korçë e Shkodër.
– Luhen dy takimet e vlefshme për Kategorinë Superiore: Në Shkodër Vllaznia-Teuta dhe në kryeqytet, Partizani-Kukësi.
E MARTË, 20 SHKURT
– Në Shkodër realizohet grumbullimi javor për ekipin kombëtar rajonal të moshave të ndryshme. Vazhdimi i zbatimit të Projektit “GROW 2020” në shkollat 9-vjeçare në Tiranë, dhe më konkretisht në shkollat: “Skënder Çaçi” dhe “Ardian Klosi”. Po kështu, edhe në Durrës, Elbasan,Korçë e Shkodër.
– Ndeshja e dytë zyrtare e ekipit kombëtar U-19 në turneun në Fiuggi të Italisë, në turneun “Roma Caput Mundi” – SHQIPËRI-GREQI (Ora 15.00)
– Vijojnë orët teorike dhe praktike të kursit UEFA B
E MËRKURË, 21 SHKURT
– Mbledhja e parë e Komitetit të ri Ekzekutiv të FSHF-së, e para që pas Asamblesë së Përgjithëshme Zgjedhore të 7 shkurtit.
– Ndeshja finale e Kupës së Moshave për U-17, në fushën sportive të kompleksit “Pezë Helmës” :
INTERNACIONAL – BESA.
– Vazhdimi i zbatimit të Projektit “GROW 2020” në shkollat 9-vjeçare në Tiranë, dhe më konkretisht: Te “Shkolla e Kuqe” dhe te shkolla “Kongresi i Lushnjes”. Po kështu, edhe në Durrës, Elbasan,Korçë e Shkodër.
– Sektori i liçensimit, takim me të gjithë drejtuesit e ekipeve të femrave për sistemin e licensimit.
– Mbledhja e radhës e Komisionit të Disiplinës.
– Vijojnë orët teorike dhe praktike të kursit UEFA B
E ENJTE, 22 SHKURT
– Ndeshja finale e Kupës së Moshave për U19:
SHKËNDIJA T – VLLAZNIA
– Ndeshja e tretë zyrtare e ekipit kombëtar U-19 në turneun në Fiuggi të Italisë, në turneun “Roma Caput Mundi” – LAZIO – SHQIPËRI (Ora 15.00)
– Vazhdimi i zbatimit të Projektit “GROW 2020” në shkollat 9-vjeçare në Tiranë, dhe më konkretisht: “M.Q.Ataturk” dhe te “Servete Maçi”. Po kështu, edhe në Durrës, Elbasan,Korçë e Shkodër.
– Vijojnë orët teorike dhe praktike të kursit UEFA B
E PREMTE, 23 SHKURT
– Vazhdimi i zbatimit të Projektit “GROW 2020” në shkollat 9-vjeçare në Tiranë, dhe më konkretisht: “Kasem Sima” (Kashar) dhe “Kodër Kashar”.
– Konferencë për shtyp e trajnerit të ekipit kombëtar U-17, Xhemal Mustedanagiç, për grumbullimin e tij 5-ditor në Shqipëri.
– Vijojnë orët teorike dhe praktike të kursit UEFA B
E SHTUNË-E DJELE, 24 SHKURT
– Takimet e javës së 21 të Kategorisë Superiore të Futbollit Shqiptar
– Takimet e radhës në dy grupet A dhe B në Kategorinë e Parë
– Takimet e radhës, për Kategorinë e Dytë
– Ndeshjet sipas kalendarit të të moshave, U-19 dhe U-17 për Superiore dhe Kategorinë e Parë.
