Turneu i Përfaqësueseve Rajonale që organizohet nga FSHF për moshat U-13, U-14 dhe U-15 ka zhvilluar ditën e sotme në Qendrën e Ekipeve Kombëtare në Kamëz dhe në Fier, ku janë luajtur ndeshjet e grup-moshës U-14 dhe U-15.
Në Kamëz janë luajtur ndeshjet e grupmoshës U-14, ku ekipi rajonal i Tiranës mposhti Lezhën në takimin e parë me rezultatin e pastër 2-0, duke kaluar kështu në fazën tjetër, ndërsa Durrësi mundi me shifrat e thella 4-0 Shkodrën. Në ndeshjen tjetër për të përcaktuar vendin e tretë dhe të katërt, Shkodra mundi Lezhën me rezultatin 3-1, ndërsa në finalen e vogël mes Tiranës dhe Durrësit, ishin kryeqytetasit ata që buzëqeshën në fund, pas triumfit me penallti. Koha e rregullt e takimit final u mbyll me shifrat 2-2, teksa me penallti, Tirana fitoi me rezultatin 5-4.
Edhe ndeshjet e luajtura në stadiumin ‘Loni Papuçiu’ në Fier për grupmoshën U-15 ishin mjaft interesante. Fieri mundi Korçën me shifrat 3-0 duke kaluar në fazën tjetër, ndërsa Gjirokastra mposhti Elbasanin me rezultatin e ngushtë 3-2.
Në finalen e vogël të grupit të kësaj moshe, Fieri triumfoi me rezultatin e pastër 3-0 ndaj Gjirokastrës, duke kaluar në finalen e së premtes, ku do të përballet me Tiranën. Në ndeshjen tjetër, Elbasani siguroi vendin e tretë për këtë grupmoshë, pasi mundi Korçën me rezultatin 3-1.
U-14 dt.2010: Tiranë, Durrës, Shkodër, Lezhë
Dt.17.01.2023 (E martë)
Tirana 2–0 Lezha
Golat: Dybeli (6’), Mesiti (20’
Kompleksi sportiv “Qendra e Ekipeve Kombëtare” Kamëz
Durrës 4–0 Shkodër
Golat: Gjergji (4’, 10’), Rrena (24’, 30’)
Kompleksi sportiv “Qendra e Ekipeve Kombëtare” Kamëz
- Ndeshja finale dhe ndeshja për vendin e 3-të & të 4-t
Fituesit e çifteve 1 dhe 2
Tirana 2–2 Durrës (5-4 me penallti)
Golat: Dybeli (6’), Mesiti (20’)/ Kola (4’), Rrena (47’)
Kompleksi sportiv “Qendra e Ekipeve Kombëtare”, Kamëz
Humbësit e çifteve 1 dhe 2
Shkodër 3–1 Lezhë
Golat: Gucija (17’), Vajushi (22’, 27)/ Palucaj (52’)
Kompleksi sportiv “Qendra e Ekipeve Kombëtare”, Kamëz
U-15 dt.2009: Fier, Elbasan, Korça, Gjirokastër
Dt.17.01.2023 (E martë)
Fieri 3–0 Korça
Golat: Hitaj (14’, 29’), Lushaku (20’)
Aneksi i stadiumit “Loni Papuçiu” Fier
Elbasani 2–3 Gjirokastër
Golat: Bazazi (15’), Korra (35’)/ Qurku (10’), Rajdho (20’), Rabaj (50’)
Aneksi i stadiumit “Loni Papuçiu” Fier
- Ndeshja finale dhe ndeshja për vendin e 3-të & të 4-t
Fituesit e çifteve 1 dhe 2
Fieri 3–0 Gjirokastër
Golat: Hajdini (14’), Mali (28’), Mahmutaj (45‘)
Aneksi i stadiumit “Loni Papuçiu” Fier
Humbësit e çifteve 1 dhe 2
Korça 1–3 Elbasani
Golat: Ibi (15’)/ Ruci (10’), Kazazi (25‘), Korra (40’)
Aneksi i stadiumit “Loni Papuçiu” Fier