Turneu i Përfaqësueseve Rajonale që organizohet nga FSHF për moshat U-13, U-14 dhe U-15 ka ardhur në fazën kulmore me ndeshjet e fundit të luajtur sot në Fier, që përcaktuan edhe finalisten e fundit.
Ekipet e përfaqësueseve rajonale të Fierit, Korçës, Elbasanit dhe Gjirokastrës për moshën U-13 u përballën sot në ambientet e aneksit të stadiumit “Loni Papuçiu”, për të zgjedhur fituesen e grupit.
Ndeshja e parë mes Fierit dhe Korçës u mbyll me fitoren e ngushtë të korçarëve me rezultatin 1-0, me golin vendimtar që u shënua nga Osmani në minutën e 15-të. Në takimin tjetër Elbasani mposhtur pastër Gjirokastrën në shifrat 3-0 me protagonistë Karaj, Moni e Bicja, të cilët ishin edhe autorët e golave.
Në duelin për vendin e parë mes fituesve të dy ndeshjeve të grupit u përballën Korça dhe Elbasani, me këtë të fundit që triumfoi sërish me rezultatin 3-0 falë dygolëshit të Karajt dhe golit të Metës. Ndeshja për vendin e tretë dhe të katërt u luajt mes Fierit dhe Gjirokastrës me fierakët që fituan lehtësisht 6-0 me gola të Gjikës, Zenelit (2), Arbrit (2) dhe Nurkës.
Kësisoj, Elbasani U-13 u kualifikua për në finalen e turneut , ku përballë do të gjejë Shkodrën, ndërsa finalja e U-14-s do të luhet mes Tiranës dhe Fier. Për moshën U-15 në finale do të sfidohen Fieri dhe Tirana.
Të trija finalet e turneu të përfaqësueseve rajonale të FSHF do të luhen ditën e premte në Qendrën Sportive të Ekipeve Kombëtare në Kamëz, duke filluar nga ora 10:30. I gjithë turneu është organizuar nën kujdesin e Departamentit të Ekipeve Kombëtare në FSHF dhe është ndjekur nga përfaqësues të UEFA-s, specialistët e futbollit dhe trajnerët e ekipeve kombëtare të moshave.
Më poshtë rezultatet e ndeshjeve të luajtura sot në Fier për moshën U-13 së bashku me çiftet dhe oraret e finaleve të 20 janarit:
U-13 dt.2011: Fier, Elbasan, Korça, Gjirokastër
Dt.19.01.2023 (E enjte)
Fier – Korçë 0-1
Golat: Osmani 15’
Aneksi i stadiumit “Loni Papuçiu” Fier ora: 11:00
Gjirokastër – Elbasan 0-3
Golat: Karaj 8’, Moni 52’, Bicja 53’
Aneksi i stadiumit “Loni Papuçiu” Fier ora: 11:00
- Ndeshja finale dhe ndeshja për vendin e 3-të & të 4-t
Elbasan – Korçë 3-0
Golat: Karaj 13’, 22’, Meta 50’
Aneksi i stadiumit “Loni Papuçiu” Fier ora: 12:30
Fieri – Gjirokastër 6-0
Golat: Gjika 17’, Zeneli 36’, 48’, Arbri 39’, 44’, Nurka 52’
Aneksi i stadiumit “Loni Papuçiu” Fier ora: 12:30
Finalet
Dt. 20.01.2023 (E premte)
Fituesit e moshës U-15
Fier – Tiranë
“Qendra e Ekipeve Kombëtare”, Kamëz, ora 12:00
Fituesit e moshës U-14
Tiranë – Fier
“Qendra e Ekipeve Kombëtare”, Kamëz, ora: 10:30
Fituesit e moshës U-13
Shkodër – Elbasan
“Qendra e Ekipeve Kombëtare”, Kamëz, ora: 10:30
