STARTON SOT TURNEU ZYRTAR ELEMINATOR “UEFA U-19 CHAMPIONSHIP 2019” NË DURRËS E LUSHNJE, HYRJA FALAS PËR TË GJITHË SPORTDASHËSIT

Sikundër është bërë tashmë traditë, edhe këtë vit Shqipërisë i është besuar turneu zyrtar eleminator për kombëtaret U-19, për grupin 8, ndeshjet e të cilit nisin sot. Nga data 10 deri në datë 16 tetor, do të luhen gjashtë takime, në stadiumet e qyteteve të Durrësit dhe të Lushnjes. Në grupin eleminator merr pjesë edhe Shqipëria e cila ndeshjet e saj do ti zhvillojë në stadiumin “Niko Dovana” në Durrës. Në grup me Shqipërinë janë edhe kombëtaret e Norvegjisë, Ukrainës dhe të Sllovakisë. Komiteti Organizator i turneut në Shqipëri ka marrë tashmë të gjitha masat për një mbarëvajtje ekselente të ndeshjeve të kombëtareve të këtyre moshave në të dy impiantet e ndryshme, teksa prej ditësh skuadrat janë grumbulluar dhe kanë nisur stërvitjet.

Vlen të theksohet fakti që për të gjithë sportdashësit, HYRJA do të jetë FALAS, në të gjitha ndeshjet e turneut. Shqiëpria kërkon arritjen e objekivit të kualifikimit në këtë grup, dhe takimin e sotëm e luan në orën 14.00 në Durrës. Më poshtë edhe programi i plotë i ndeshjeve:

Dita e parë – 10 tetor 2018

UKRAINË    –        SHQIPËRI             “Niko Dovana”, Durrës, ora 14.00

NORVEGJI  –        SLLOVAKI            “Roza Haxhiu”, Lushnje, ora 12.00

Dita e dytë – 13 tetor 2018

SLLOVAKI   –        SHQIPËRI             “Niko Dovana”, Durrës, ora 12.00

UKRAINË    –        NORVEGJI           “Roza Haxhiu”, Lushnje, ora 14.00

Dita e tretë – 16 tetor 2018

SHQIPËRI   –        NORVEGJI            “Niko Dovana”, Durrës, ora 14.00

SLLOVAKI   –        UKRAINË             “Roza Haxhiu”, Lushnje, ora 12.00