Federata Shqiptare e Futbollit njofton të gjitha klubet dhe shoqatat e interesuara për të qenë pjesë e edicionit të ri të Kategorisë së Tretë, për sezonin futbollistik 2022-2022, se kanë nisur regjistrimet.
Regjistrimet për këtë sezon futbollistik janë të hapura deri më datë 25 tetor 2022, dhe pas kësaj date asnjë kërkesë për t’u bërë pjesë e Kategorisë së Tretë nuk do të mund të merret në konsideratë.
Edicioni i ri i kësaj kategorie do të nisë më datën 1 nëntor 2022. Klubet apo shoqatat e interesuara duhet të dorëzojnë në Federatën Shqiptare të Futbollit listën e dokumenteve të mëposhtme:
- Kërkesë nga Bashkia, klubi ose shoqata
- Dokumentin e pagesës prej 120.000 lekësh në Union Bank
- Fotokopje të pasaportës ose kartës së identitetit të Administratorit
- Listën emërore të ekipit. Të firmosur dhe vulosur nga klubi ose shoqata.
- Foto të secilit lojtar.
Për çdo pyetje apo sqarim që mund të keni në lidhje me Kategorinë e Tretë, ju mund të dërgoni një e-mail në [email protected].