Komisioni i Disiplinës i Federatës Shqiptare të Futbollit, ka marrë sot, vendime në lidhje me ngjarjet e dhunshme, që janë shfaqur në ndeshjet e javës fundit të Kategorisë Superiore, të parë dhe të dytë. Ekipi i KF “Bylis”, është dënuar me përjashtim nga kampionati i Kategorisë Superiore si edhe me humbjen e ndeshjes në tavolinë me KF “Laçi” 3-0.
Dënime ka patur edhe për zyrtarin e KF “Bylis”, Besnik Kapllanaj, i cili është përjashtuar përgjithmonë nga çdo aktivitet sportiv per ushtrim te dhunës fizike ndaj zyrtarëve të ndeshjes me pasoja të rënda për shëndetin.