KS Kastrioti është shpallur sot fitues i Grupit A në Kategorinë e Parë dhe ngjitet automatikisht në Kategorinë Superiore sezonin e ardhshëm.
Në ndeshjen e fundit të fazës play-off, Kastrioti priti KF Erzenin në përballjen e luajtur në stadiumin “Redi Maloku” të Fushë Krujës. Ndeshja u mbyll me fitoren 3-2 të krutanëve, ndërsa në fund u zhvillua edhe ceremonia e dorëzimit të trofeut.
Anëtari i Komitetit Ekzekutiv të FSHF-së, Vasil Bicaj i dha KS Kastriotit kupën e fituesit të Grupit A në Kategorinë e Parë.
Ekipi krutan do të përballet në finale me FK Apoloninë, ku do të përcaktohet edhe kampionia e Kategorisë së Parë.
