Trajneri i kombëtares shqiptare të futbollit për moshën U-17, Dzemal Mustedanagic ka dalë sot në një konferencë për shtyp në orën 11:00 në ambjentet e FSHF, në vigjilje të dy ndeshjeve miqësore Shqipëri U17- Kosovë U17, ku ka bërë të ditur edhe listën e futbollistëve të grumbulluar. Trajneri foli ndër të tjera edhe për turneun eliminator i vlefshëm për Europianin e kësaj moshe, ku Shqipëria është pjesë e grupit të 8-të në këtë turne, i cili do të zhvillohet në muajin tetor në vendin tonë, ku bën pjesë Cekia, Norvegjia dhe Azerbaxhani.
Ndeshjet miqësore Shqipëri-Kosovë U-17 do të zhvillohen në datat 9 & 11 shtator ora 16:00 ne stadiumin “Loro Borici” ku hyrja për tifozët do të jetë FALAS. Mustedanagic, ka grumbulluar plot 22 futbollistë, njihuni me listën:
