Kombëtarja shqiptare ka mbërritur pak pas mesditës sot në Vilnius, ku të mërkurën pasdite do të luajë ndaj Lituanisë në duelin e vlefshëm për Nations League.
Pasi është akomoduar në hotel, skuadra i është drejtuar “LFF stadium” të Vilnius për të zhvilluar edhe seancën zyrtare stërvitore një ditë pas ndeshjes.
E gjithë seanca është shoqëruar nga reshjet e shiut, ndërkohë që duhet theksuar se fusha e këtij stadiumi, ku do të zhvillohet dhe sfida ndaj lituanezëve, është me bar artificial.
Si zakonisht trajneri Reja ka punuar me anën taktike për të testuar lojtarët në skemat e tij. Me ekipin ka qenë edhe Abrashi, por prania e tij në ndeshje mbetet ende në dyshim të fortë për shkak të dëmtimi në kavilje.
Takimi Lituani-Shqipëri do të luhet të mërkurën, duke nisur nga ora 18:00.
