Është luajtur finalja e Kupës së Kampionit për zonën e Tiranës në futbollin 5×5 mes ATS dhe Dymbëdhjetës.
Në një finale spektakolare, e zhvilluar në kompleksin “East Park”, u shënuan plot 7 gola dhe në fund triumfoi Dymbëdhjeta me rezultatin 4-3.
Ndeshja finale ishte shumë e luftuar nga të dyja skuadrat dhe dhuroi emocione deri në fund, ku Dymbëdhjeta fitoi me vetëm një gol diferencë.
Në përfundim të sfidës u zhvillua edhe ceremonia tradicionale, me përfaqësuesit e Drejtorisë së Futbollit Amator në FSHF që shpërndanë medaljet dhe trofeun për ekipin fitues.
