Presidenti i Federatës Shqiptare të Futbollit, Armand Duka, bashkëbisedoi me studentë dhe pedagogë në një forum të Universitetit Europian të Tiranës.
Presidenti Duka foli për investimet e realizuara në futbollin shqiptar, projektin për ndërtimin e 100 fushave të reja, prioritetin e futbollit të fëmijëve dhe femrave, si dhe domosdoshmërinë për realizimin e Reformës në Sport.
Armand Duka u ndal dhe te rëndësia e mirëmenaxhimit ekonomiko-financiar të klubeve shqiptare, dhe investimin që klubet duhet të bëjnë në burime njerzore.
