Shqipëria U-15 e drejtuar nga trajneri Eqerem Memushaj është mundur 1-0 nga fqinjët e Maqedonisë në miqësoren e zhvilluar sot në orën 16:00 në stadiumin “Biljanini”në Ohër. Kjo është miqësorja e dytë në kuadër të dy ndeshjeve të planifikuara miqësore. Ndeshja e parë u zhvillua në datën 18 shtator në Korçë ku humbëm me rezultatin 1-2. Kuqezinjtë e U-15 kanë rivalizuar përballë bashkëmoshatarëve të tyre, por nuk kanë mundur të jenë të saktë dhe të finalizojnë. Golin e fitores Maqedonia e shënoi me penallti në ’66 me anë të Stojanovskit.
Përfaqësuesja jonë e filloi ndeshjen me këtë formacion: Ujka,Kreka, Rahimi,Stafa, Cupi, Bajraktari, Kote, Strefaj, Ndreu,Çereni, Karaj.
