Shkëndia e Tiranës, është shpallur kampion kombëtar i kampionatit të kategorisë së parë. Në ndeshjen finale të zhvilluar në Qendrën e Ekipeve Kombëtare në Kamëz, është ballafaquar Shkëndia e Tiranës si fituese e grupit të Veriut, me Lushnjen si fituese e grupit të jugut.
Takimi është fituar nga Shkëndia e Tiranës me rezultatin 2-1. Kështu kjo skuadër, është shpallur kampione kombëtare e kampionatit të kategorisë së pare U-17. Kupa është dorëzuar nga anëtari i Komitetit Ekzekutiv të FSHF, Abdyl Kuriu. Më pas, janë dorëzuar edhe medaljet për fituesit.
