Sekretari i Përgjithshëm i Federatës Shqiptare të Futbollit Ilir Shulku, ka dalë përpara gazetarëve në një konferencë për shtyp të organizuar të shtunën në drekë. Temat kryesore në të cilat është ndalur nr.1 i ekzekutivit të FSHF, kanë qenë shtyrja e Kampionatit Kombëtar të Kategorisë së Parë dhe Kupës së Shqipërisë, dhuna e shfaqur në mesjavë në qytetin e Shkodrës e qëndrimi ndaj saj, si edhe strategjitë që duhen ndjekur për ta paralandaluar këtë fenomen.
Në lidhje me shtyrjen e kampionatit Kombëtar të Kategorisë së Parë dhe (rjedhimisht) Kupës së Shqipërisë, Sekretari i FSHF renditi si arsye kryesore mosplotësimin e dokumentacionit, infrastrukturës dhe në mënyrë të veçantë mosshlyerjen e detyrimeve sipas rregulloreve të FSHF. Në lidhje me këtë të fundit si dhe përcaktimin e datës së fillimit të kampionatit, është vendosur, që pas mbledhjes së informacionit të nevojshëm, do të bëjë të gjitha rekomandimet për datën e fillimit dhe për skuadrat që nuk arrijnë të plorësojnë detyrimet.
