Sot, futbolli shkodran dhe ai shqiptar jane ne zi. Zyhdi Barbullushi, nje prej emrave me te spikatur te Vllaznise dhe ekipit tone kombetar, eshte ndare nga jeta. Nje humbje e madhe per familjen, Shkodren dhe te gjithe komunitetin e futbollit. Zyhdi Barbullushi, eshte i fundit, i brezit te talentuar te futbollisteve shkodrane, te cilet menjehere pas clirimit te Shqiperise, arriten qe te fitonin dy kampionatet e para te futbollit. Perkrah shume lojtareve te talentuar, ai arriti qe te tregoje talentin e tij i cili spikati per vite me rradhe ne futbollin shqiptar. Ai lindi me 1 shtator 1926 dhe ka luajtur me Vllaznine e pasluftes deri ne vitin 1953. Per kontributin e tij ne futboll, ka merituar titullin “Mjeshter Sporti”.
Ne emer te Federates Shqiptare te Futbollit dhe te komunitetit te sportit me te rendesishem ne Shqiperi, Presidenti Armand Duka, i ka derguar kete mesazh familjes Barbullushi: ” Ju dergoj ngushellimet me te sinqerta ne emer te te gjithe komunitetit te futbollit ne Shqiperi. Kontributi i Zyhdi Barbullushit per zhvillimin e futbollit shqiptar, eshte nje vlere qe tashme i takon historise. Jo vetem per futbollin e Shkodres por edhe per ate kombetar. Duke respektuar kontributin e tij per futbollin shqiptar, ne respektojme, nje pjese te rendesishme te vlerave tona”.
Ceremonia mortore, u krye ne Shkoder diten e marte.
