Kombëtarja shqiptare e futbollit për femrat e drejtuar nga trajneri Vioresin Sinani, ka luajtur ndeshjen e parë zyrtare të kualifikueseve të EURO 2021 ndaj Finlandës. Kjo përballje u zhvillua sot në orën 17:30 në stadiumin “Elbasan Arena”, ndeshja e planifikuar në orën 17:00, ka filluar 30 minuta më vonesë për shkak të reshjeve të dendura, dhe u mbyll me fitoren e skandinavëve 3-0.
Pjesa e parë e ndeshjes u mbyll me rezultatin 0-3 për skuadrën e Finlandës, e cila ka shfrytëzuar më së miri rastet e krijuara. Edhe ne fraksionin e dytë të lojës, është ruajtur i njëjti rezultat ndonëse të dy dyja skuadrat kanë tentuar në disa raste të shënojnë.
Shqipëria e filloi ndeshjen me këtë formacion: Viona Rexhepi, Albina Rrahmani (C), Arbiona Bajraktari (’90 Alma Hila), Sara Maliqi, Endrina Elezaj, Geldona Morina, Qendresa Krasniqi, Megi Doçi, Luçije Gjini (’88 Arbenita Curraj), Kristina Maksuti, Ezmiralda Franja.
