Ndalesa e radhës ishte në shkollen “Protagonistët” në Tiranë, ku u zhvillua një mini kampionat midis klasave 9-vjecare dhe atyre të mesme. Ekipeve fituese ju dorëzuan kupat dhe suvenire të Federatës së Futbollit. Të pranishëm në këtë ceremoni për të dorezuar kupat ishte Sekretari i Përgjithshëm Ilir Shulku, i shoqëruar dhe nga shefi i sektorit të garave Lysien Nurishmi. Në mesazhin e tij, drejtuar nxënësve të kësaj shkolle Shulku i inkurajoi për futbollin: “Jam shumë i lumtur që ndodhem sot pranë jush, duke parë që e përqafoni këtë sport dhe jeni pranë tij, gjithsesi disa nga ju jam në dijeni që merreni me futboll ndaj do doja të ftoja më shumë, pjesën tjetër joaktive që të merret me futboll e të kuptoj se ky sport është shumë i dobishëm kryesisht për moshën tuaj.
Gjithashtu do doja qe të ingranonim akoma më shumë futbollin te femrat , të cilat sic e dini ose nëse nuk jeni ne dijeni kanë rreth 5 vite që ka marrë formë në Federaten Shqiptare të Futbollit. Futbolli i femrave tashmë ka arritur shkallët e suksesit dhe sa më shumë qe ju e përkrahni këtë sport, aq më shumë talente arrijmë të evidentojmë”.
Shkolla “Protagonistët”, shprehu mirënjohje për promovimin dhe suportin që institucioni i futbollit i bëri nxenësve ditën e sotme. Të tjera aktivitete të tilla promovuese do të vazhdojnë serisht në shkolla të tjera, pikërisht me qëllimin e përhapjes së këtij sporti dhe angazhimin e të rinjve për ti mbajtur ata sa me larg veseve dhe sa me pranë një jete të shëndetshme.
