Uzuni rikthehet te goli, dopietë me Ferencvarosh - FSHF

Uzuni rikthehet te goli, dopietë me Ferencvarosh

Myrto Uzuni është rikthyer te goli me skuadrën e Ferencvarosh në Hungari.

Sulmuesi shqiptar ka gjetur dy herë rrugën e rrjetës, në ndeshjen e zhvilluar ditën e sotme kundër Tokolit, e vlefshme për Kupën e Hungarisë.

Uzunit i është besuar ekzekutimi i dy penalltive, në të cilat shqiptari është treguar mjaft i saktë, duke mposhtur dy herë portierin kundërshtar brenda katër minutave. Ferencvaroshi po fitonte me shifrat 0-1, teksa dy golat e beratasit në minutat 15-të dhe 19-të e dërguan rezultatin e ndeshjes në 0-3.

Sulmuesi kuqezi u aktivizua në të gjithë lojën, teksa paraqitja e tij e mirë me klubin hungarez janë një lajm i mirë në prag të ndeshjeve që Kombëtarja shqiptare do të luajë në muajin nëntor.