Kombëtarja shqiptare ka zhvilluar seancën e fundit stërvitore në prag të ndeshjes miqësore me Uellsin, që luhet ditën e shtunë datë 5 qershor 2021 duke filluar nga ora 18:00.
Kuqezinjtë kanë zbritur sot në orën 17:00 (sipas orës lokale) në fushën e “Cardiff City Stadium”, aty ku do të luhet edhe miqësorja për të kryer një seancë të lehtë dhe për të provuar vendosjen taktike.
Gjatë ditës kuqezinjtë kanë marrë edhe përgjigjet e rezultateve anti-Covid, ku të gjithë kanë rezultuar negativë.
Atmosfera është shumë pozitive dhe të gjithë lojtarët që kanë udhëtuar me skuadrën në këtë transfertë do të jenë të gatshëm për të luajtur të shtunën.
