Vendimi nr. 1 i Komisionit të Apelit në FSHF, datë 13.11.2024

Komisioni i Apelit të Disiplinës dhe Etikës pasi mori në shqyrtim ankimin e lojtarit të KF Vllaznia, z. Flavio Fusha,

Vëren se:

Me vendimin nr.12, pika 9 datë 29.10.2024 ka vendosur të marrë ndaj lojtarit të KF Vllaznia, z. Flavio Fusha masat disiplinore si më poshtë vijon:

Lojtari i KF Vllaznia U-17, Flavio Fusha, për sjellje josportive dhe kërcënime ndaj zyrtarëve të ndeshjes, në bazë të neneve 14/1/j dhe 14/1/k të KDE, dënohet me 15 (pesëmbëdhjetë) ndeshje pezullim nga veprimtaritë.

Më datë 12.11.2024 lojtarit të KF Vllaznia, z. Flavio Fusha, ka paraqitur ankim me objekt:

1. Ndryshimin e masës disiplinore të përcaktuar në pikën 9 të Vendimit Nr.12 datë 29.10.2024 duke vlerësuar rrethanat e mëposhtme:
2. Të marrë në konsideratë rrethanat specifike në vlerësimin e masës së dënimit, moshën e re të lojtarit, karrierën e tij sportive, raportet kontradiktore të zyrtarëve të ndeshjes, fakti që arbitri nuk ka dhënë dënim disiplinor gjatë ndeshjes dhe që lojtari nuk ka qenë asnjëherë subjekt i masave disiplinore.
3. Të kualifikojë veprimet e pretenduara nga lojtari në mungesë të raportit nga Policia e Shtetit vetëm si sjellje josportive ndaj një zyrtari të ndeshjes, duke dhënë masën e dënimit sipas parashikimeve të gërmës (j) të nenit 14 të Kodit të Disiplinës dhe Etikës dhe dënimit alternativ me gjobë.
4. Pranimin e kërkesës si të mbështetur në argumente dhe rregulloren në fuqi.

Komisioni i Apelit të Disiplinës dhe Etikës pasi u njoh me relacionin e Sekretariatit Teknik, shqyrtoi dokumentacionin e paraqitur dhe diskutoi çështjet në tërësi si dhe duke u bazuar në nenet 65 e vijues të Kodit të Disiplinës dhe Etikës,

VENDOSI:

1. Pranimin e pjesshëm të ankimit të Lojtarit të KF Vllaznia, Flavio Fusha.
2. Lënien në fuqi të Vendimit Nr. 12 pika 9, datë 29.10.2024 të Komisionit të Disiplinës dhe Etikës, duke vendosur që, në zbatim të neneve 34/1 dhe 34/3 të KDE, vendoset pezullimi i pjesshëm i zbatimit të dënimit pas shlyerjes së 1/3 të tij (pesë ndeshje). Periudha e provës do të jetë 20 (njëzet) muaj nga data e këtij vendimi.
3. Pezullimi i dënimit revokohet nëse gjatë periudhës së provës lojtari kryen një shkelje tjetër të natyrës dhe rëndësisë së ngjashme.
4. Kundër këtij vendimi lejohet ankim në Gjykatën e Arbitrazhit Sportiv (CAS/TAS) Lozanë Zvicër.