Kombëtarja shqiptare e futbollit mosha U-16 ka triumfuar ndaj Armenisë me rezultatin, Shqipëria 2-0 Armenia, e luajtur sot në orën 18:00 në stadiumin “Montecchio Stadium” San Marino, e vlefshme për turneun “UEFA Development U-16”.
Kuqezinjtë e drejtuar nga trajneri Dzemal Mustedanagic kanë bërë një paraqitje shumë të mirë në ndeshjen e dytë në këtë turne që është bërë traditë tashmë duke gjetur golin e parë me anë të Sulovarit në ’28 dhe dyfishimi i rezultatit ka ardhur në minutën e 78 nga Kotrri duke vulosur kështu fitoren dhe një ecuri pozitive në këtë organizim të UEFA-s.
Formacioni që luajti sot: Shehu, Zaimi, Smajlaj, Papa, Sulovari, Stafa, Molla, Kuqi, Llapi, Gjini, Cahani.
Ndeshja e rradhës është ajo ndaj San Marinos në datë 24 prill ora 11:00 po në stadiumin ku luajtëm sot.
Ndeshjet që kemi luajtur:
Shqipëria U-16 1-1 Italia U-16 (4-3) me penallti
Shqipëria U-16 2-0 Armenia U-16
Renditja:
Shqipëria 5 pikë
Italia 4 pikë
San Marino 2 pikë
Armenia 1 pikë
